صار ابعد ..!

صار ابعد ..

بعد ماكان لي اقرب ..

تعبت اقتنع بالوضع .. وانه عادي عندي الصد ..

تعبت اكابر بصمدي .. واقول ماهمني بقلبي ..

ابي قربه , ابي ضحكه , ابي مزحه

اتعجبت من فعلي .. ما توقعت ذا وضعي

بعد ما يصد عن عيني ..

كثير بالصد اهدوني .. و با الاوجاع عيشوني

بس ما همني اي صد
سوا بالمزح او بالجد

ابي اوصفله ما بقلبي .. وابي اشرح له عن قصدي ..

ابد ما كان قصدي جرح .. او اني اخطي وامشي

ما ابي افرض وجودي ..او اشوف رفض بعيوني ..

حاول تجرب كياني ..
ليه ما تجلس مكاني ..

هاك قلبي .. هاك سمعي .. هاك شوفي ..

اطلب اقلام ودفاتر
وحاول اكتب عن شعور
لاهو ظلماء ولا هو نوور
قلب مابين السطور

يمكن تفسر شعوري
وتفهم المعنى لوجودي

واني مابي غيرك انت ..
بس انت ..

للمره الاولى احاول فيها نشر كتاباتي في موقع مثل هذا حبيت فكرة الموقع وحبيت فكرة اني اكتب في شي زي كذا
فا قررت اجرب حظي واشوف ..
بالبدايه احترت كثير كيف ابدا و وش اكتب او وش المفروض اني اتكلم عنه بس الشي الوحيد الي فاهمته بالوقت هذا هو ان ودي احكي و ودي اكتب و ودي اتكلم بس في ايش ما اعرف ..!!

انا دايم اكتب ولي مذكرات ومدونات بس كانت دايم بيني وبين نفسي ولا مره حاولت اني انشرها في موقع او في اي شي ثاني ..

حبيت اطلع من هالجو وادخل جو جديد ورا اتعامل مع هالموقع مثل ما اتعامل مع كتاباتي الخاصه الي لما اكتبها اعرف ان مافي اي شخص بيقراها او بيشوفها غيري يعني با الاصح قررت افضفض عن كل شي مر او راح يمر علي ..

وبما اني جديده هنا فما ادري اذا الموقع لشي زي كذا او انا فاهمه الموقع غلط

عموما حاليا هذا الي طلع معي بس اكيد اكيد اكيد لي باااكـ

بس ما حبيت اطلع بدون ما اترك اضاءه يارب تكون حلوه بما اني من عشاق العبارات الي تعبر عن اي وضع حاسه فيه او عايشته ..

" افــعــل مـا شـئـت لـكن لا تـظـلم احـدا ً
تــمـيـز بـما شـئـت لـكن لا تـتـكبر ابــداً
خـاصـم مـن شـئـت لـكن لا تـشـتم ابـداً
اغـضـب كـمـا شـئـت لـكن لا تـجـرح احداً "